Մենք ուրախ կլինենք պատասխանելու քո հարցերին Աստծո և հավատքի մասին կամ պարզապես լսել ու աջակցել քեզ դժվար պահին! Եթե չգիտես՝ ինչ գրել, պարզապես գրիր. 《Ես օգնության կարիք ունեմ》։
Fellow — ն տարբեր երկրներից հավաքված քրիստոնյա երիտասարդների համայնք է, որոնց համախմբում է Հիսուս Քրիստոսի հանդեպ հավատքը և այս աշխարհն ավելի լավը դարձնելու ձգտումը: Համայնք, որը պատասխաններ է փնտրում Աստվածաշնչում և Աստծո մեջ: Համայնք, որը հեռու է փախչում անմտությունից ու այն ամենից, ինչը զրկում է քեզ կյանքից, խլում քո էներգիան և քաշում քեզ ներքև: Մենք ներկայացնում ենք Քրիստոնեական տեսիլք (Christian Vision) կազմակերպության բարեգործական նախագիծը:
Մենք փնտրում ենք այն հարցերի պատասխանները, որոնք մեզ հրամցնում է կյանքը, որոնք երբեմն նույնիսկ վախենում կամ ամաչում ենք բարձրաձայնել: Հիմնվելով Աստվածաշնչի վրա` մենք գտնում ենք պատասխաններ և դրանցով կիսվում, որպեսզի աշխարհում ավելանա այն մարդկանց թիվը, որոնց կյանքը լի է հաղթանակներով, առաջընթացով, քաջությամբ ու վառ իմաստով:
Մեր նպատակն է՝ օգնել քեզ հասկանալու, որ ամեն բան կորած չէ և միշտ էլ կա ելք: Հիշի՛ր, որ մենք գտնվում ենք մեկ քլիք հեռավորության վրա, և դու ցանկացած ժամանակ կարող ես դիմել մեզ խորհրդի համար:
Մենք այստեղ ենք, որպեսզի ոգեշնչենք քեզ՝ ապրելու այնպիսի կյանքով, որը լի է վառ իմաստով և իրական ուրախությամբ, որը ոչ ոք չի կարող գողանալ քեզնից:
Մենք պատմում ենք պատմություններ սովորական մարդկանց մասին: Վկայում ենք, թե ինչպես է Հիսուսի հետ հանդիպումը փոխել մեր կյանքերը, օգնել ազատվելու աննպատակ կյանքից ու այն ամենից, ինչը մեզ զրկում էր հույսից:
Մեր ներկայացրած նյութերը ոգեշնչում են հաղթելու, զարգանալու, չհանձնվելու և ամեն օր ավելի լավը դառնալու:
Մենք չենք պարտադրում ինչ-որ բան, այլ կիսվում ենք նրանով, ինչը փոխել է մեր կյանքերը և ինչը շատ կարևոր է մեզ համար:
Դու կարող ես փորձել կամ կարող ես մոռանալ ու շարունակել ապրել այնպես, ինչպես ապրում ես: Դու ես որոշողը:
Կան անհանգստություններ, որոնք դժվար է հաղթահարել առանց օգնության: Լինում են հարցեր, որոնց պատասխաններն ինքնուրույն գտնելը դժվար է: Գրիր մեզ: Մենք ուրախ կլինենք աջակցել քեզ և օգնել գտնելու պատասխաններ ոչ հեշտ հարցերին:
1-3 օրվա ընթացքում քեզ հետ կապ կհաստատի մեր փորձառու խորհրդատուն, ով կփորձի աջակցել քեզ, կպատասխանի քո հարցերին և կօգնի քեզ՝ կատարելու Աստծո հետ հանդիպման առաջին քայլերը: Մեր բոլոր խորհրդատուները քրիստոնյաներ են, այդ իսկ պատճառով նրանց պատասխանները հիմնված կլինեն աստվածաշնչյան դիրքորոշման վրա:
Ամեն ամիս հազարից ավելի մարդիկ գրում են մեզ իրենց խնդիրների մասին կամ ուղղում են իրենց հուզող հարցերը, որպեսզի աջակցություն կամ խորհրդատվություն ստանան: Մենք աշխատում ենք նրանցից յուրաքանչյուրին առավելագույնս ուշադրություն դարձնել: Այժմ մեր թիմում աշխատում են ավելի քան 300 կամավոր-խորհրդատուներ, որոնք ուրախությամբ պատրաստ են լսել և օգնել քեզ: Բոլոր խորհրդատվություններն անվճար են:
Դու պարտավոր չես: Սակայն մենք ուրախ կլինեինք, եթե մեր ծանոթությունն օգներ քեզ գտնել քեզ հուզող հարցերի պատասխանները և փոխել քո կյանքը դեպի ավելի լավը: Դա մեզ սովորեցնում է Աստված, Ում մենք անկեղծորեն հավատում ենք: Նա արդեն փոխել է մեր կյանքերը:
Բարև Ձեզ! Շնորհակալ եմ աղոթքների համար: Իմ կյանքը հրաշալի կերպով փոխվել է: Աստված կենդանի է: Ես մի գիշեր հուսահատության մեջ գրեցի ձեզ: Ես և ամուսինս թմրամոլ էինք: Մենք երեխաներ ունենք, փոքրը 3 տարեկան է: Այդ գիշեր ես իսկապես շատ վատ էի ու ձեզ նամակ ուղարկեցի: Այսօր մենք այլևս չենք օգտագործում թմրադեղեր: Ամուսինս սթափ վիճակում է արդեն 5 ամիս, իսկ ես՝ 4: Սա հրաշք է, որովհետև նախկինում նույնիսկ մեկ օր չէի կարողանում սթափ ապրել:
Ալինա
Ուկրաինա
Ես հասկացա, որ ուզում եմ իմ կյանքում առաջին տեղը տալ Աստծուն, առաջին հերթին փոխհարաբերություններ կառուցել Նրա հետ: Ես հստակ գիտակցում եմ, որ առանց Աստծո կկորչեմ: Ինձ համար դեռևս դժվար է: Ես շատ վախեր ու հարցեր ունեմ: Բայց Նա հրաշալի է. Նա ինձ բժշկեց! Հիմա լիովին այլ կյանք ունեմ, որի մասին նույնիսկ մտածել չէի կարող, և սա հրաշք է! Որքան էլ ցանկանամ այս հաջողությունն ինձ վերագրել, չեմ կարող, քանի որ այս ամենը Նա է արել ինձ համար: Նա առաջնորդում է իմ կյանքը, և ես դեմ չեմ!
Յուրա
Ռուսաստան
Ողջույն! Ես հազվադեպ եմ կիսվում իմ մտքերով և վերապրումներով ուրիշների հետ, բայց նայելով այն մարդկանց, ում դուք իրականում օգնել եք՝ իմ մեջ ինչ-որ բան շարժվեց: Մանուկ հասակում կորցրել եմ հորս և առանց նրա եմ մեծացել: Նա իր կյանքին վերջ էր տվել ինքնասպանությամբ, և բոլորովին վերջերս գտա նրա՝ մահից առաջ գրած նամակը: Հիմա, այսքան տարիներ անց, իմ գլխում նույնպես սարսափելի մտքեր են առաջանում ինքնասպանության վերաբերյալ, բայց ձեր շնորհիվ հասկացա, թե ինչպես պայքարեմ այդ մտքերի դեմ: Շնորհակալություն, որ աղոթում եք ինձ համար:
Աննա
Բելառուս
